Dekabr oyida UzAuto Motors Powertrain kompaniyasiga o‘zida bir qancha iqtidorli va tashabbuskor yoshlarni birlashtirgan “Yosh menejer” loyihasi ishtirokchilari tashrif buyurishdi.

Yoshlar dastlab “Uzavtosanoat” AJ hamda “UzAuto Motors Powertrain” AJ foaliyati haqida muhim va qiziqarli ma’lumotlarga ega bo‘lishdi, shuningdek, avtomobil sanoatiga oid o‘zlarini qiziqtirgan savollariga javob olishdi.

Shundan so‘ng, yoshlar uchun zavod bo‘ylab ekskursiya tashkil etildi va ularga ishlab chiqarish jarayonlari ko’rsatilib, sifat tizimi standartlari haqida ma’lumotlar berildi.

Ishonchimiz komilki, hamkorlik doirasidagi bunday tadbirlar yosh iste’dodlarni qo‘llab-quvvatlash va rivojlantirishga yordam beradi va ularni yangi yutuqlarga ilhomlantiradi.