11-dekabr kuni UzAuto Motors Powertrain dvigatel ishlab chiqarish zavodida ESG loyihasi "Drive for Dreams" doirasida bolalar uchun ekskursiya tashkil etildi.
Ushbu loyiha yosh ishtirokchilarga yuqori texnologiyalar, muhandislik va barqaror rivojlanish dunyosiga kirish imkoniyatini taqdim etadi. Ekskursiya davomida bolalar avtomobillarni ishlab chiqarish jarayonlari, transportni yanada ekologik va xavfsiz qilish uchun joriy etilgan innovatsion texnologiyalar hamda korporativ ijtimoiy mas'uliyatning ahamiyati haqida ma'lumot olishdi.
Toshkent shahridagi maktablardan birining o'quvchilari zavod mutaxassislaridan avtomobilsozlik tarixi haqida qiziqarli ma'ruzalar tinglab, faqat zavodda emas, balki oddiy hayotda ham xavfsizlik qoidalarini o'rgandilar, zavodda ishlab chiqarilayotgan dvigatellarni qanday tuzilganini ko'rib chiqdilar, shuningdek, suvni tozalash bo'yicha tajribalar va atrof-muhitni himoya qilishning ahamiyatini tushunishga qaratilgan o'yinlarda ishtirok etdilar.
Maktab o'quvchilari uchun eng qiziqarli lahzalardan biri zavod bo'ylab ekskursiya va o'quv liniyasida dvigatelni yig'ish jarayonini simulyatsiya qilish bo'ldi.