27-28 mart kunlari UMPTda WTraining kompaniyasi tomonidan muzokara va dalillash ko'nikmalarini rivojlantirish bo'yicha ikki kunlik trening o'tkazildi. Treningda samarali muzokara olib borish kasbiy faoliyatning ajralmas qismi hisoblangan turli bo'limlardan bo'lgan xodimlar ishtirok etdi.
Trening nazariy va amaliy qismlarni birlashtirgan bo’lib, bu esa ishtirokchilarga nafaqat muvaffaqiyatli muzokaralar olib borishning asosiy usullari va prinsiplari bilan tanishish, balki olingan bilimlarni haqiqiy vaziyatlarda qo'llash imkonini berdi. Trening davomida diqqat strategiyalar va taktikalariga qaratildi, ular o'zaro foydali kelishuvlarga erishishga yordam beradi, shuningdek, o'z pozitsiyasini ishonch bilan tushuntirish va dalillash ko'nikmalarining ahamiyatiga urg'u berildi.
Treningning asosiy elementlaridan biri DISC metodikasi bo'ldi, bu ishtirokchilarga muloqot jarayonida odamlarning turli xulq-atvor turlarini tushunishga yordam beradi. Ushbu bilim, muloqotni aniqroq sozlash, hamkasblar va hamkorlar bilan ularni psixologik xususiyatlarini hisobga olib samarali ishlashga imkon beradi.
Trening o'tilgandan so'ng, UMPT xodimlari muzokara olib borish, argumentatsiya qilish va nizolarni hal qilish sohalarida o'z ko'nikmalarini oshirishdi, bu esa, albatta, ish jarayonlarini yaxshilash va korporativ aloqalarni mustahkamlashga xizmat qiladi.