"Uzavtosanoat" AJ ning oliy ta'lim muassasalari bilan hamkorlik loyihasi doirasida 26-noyabr kuni kompaniyamizga Turin Politexnika Universiteti, Toshkent Davlat Texnika Universiteti va Yangi O'zbekiston Universiteti talabalari tashrif buyurishdi.

Ishtirokchilar taqdimotlar, videolar, kviz, savol-javob sessiyasi va zavod bo'ylab infotur kabi qiziqarli va ma’lumotlarga boy dastur bilan kutib olindi. Ushbu tadbirlar talabalarda yorqin taassurot qoldirib, ularga kompaniyamiz va uning faoliyati haqida yaxshiroq bilib olish imkonini berdi. Biz universitetlar bilan hamkorlikni davom ettirishga umid qilamiz va ishonamizki, yuqoridagi kabi tadbirlarda qatnashgan talabalar kompaniyamizda ishlash istagini bildirishadi.

Bizga qo'shiling! UMPT har doim yangi iste'dodlarni kutib qoladi!