2024-yil 19-dekabr kuni UzAuto Motors Powertrain zavodiga energiya menejmenti tizimini xalqaro ISO 50001 standartiga mos ravishda boshqarayotganini tasdiqlovchi yangilangan sertifikat topshirildi.

Sertifikatni CERT ACADEMY direktori tantanali ravishda topshirdi. U zavodga tashrif buyurib, ishlab chiqarish va boshqaruv jarayonlarining yuqori darajada tashkil etilganini qayd etdi. U o‘z nutqida zavodning ish jarayonlari xalqaro standartlarga mosligini va kompaniya o‘z sohasida o‘rnak ekanligini ta’kidladi.

Ushbu sertifikat energiya resurslarini samarali boshqarish, jarayonlarni takomillashtirish va dunyodagi eng yaxshi tajribalarni qo‘llash borasidagi sa’y-harakatlarimizni tasdiqlaydi.