Ishlab chiqarish bilan tanishuv: Turin politexnika universiteti talabalari UzAuto Motors Powertrain’ga tashrif buyurdi

UzAuto Motors Powertrain zavodida Toshkent shahridagi Turin politexnika universiteti talabalari uchun ekskursiya tashkil etildi. Tashrif davomida ishtirokchilarga ishlab chiqarish tsiklining asosiy bosqichlari taqdim etildi, zamonaviy texnologik uskunalar namoyish qilindi hamda korxonada qo‘llanilayotgan innovatsion yechimlar haqida tushuntirish berildi. Talabalar ishlab chiqarish jarayonlari bilan real sharoitda tanishdilar, mutaxassislar bilan muloqot qildilar va o‘zlarini qiziqtirgan savollarga javob oldilar. Tashrif davomida texnologik rivojlanish hamda ilg‘or muhandislik yondashuvlarini joriy etish masalalariga alohida e’tibor qaratildi. Bunday tadbirlar sanoat korxonalari va ta’lim muassasalari o‘rtasidagi hamkorlikni mustahkamlashga xizmat qiladi, shuningdek talabalarda zamonaviy ishlab chiqarish standartlari bo‘yicha amaliy tushuncha shakllanishiga yordam beradi. UzAuto Motors Powertrain kompaniyasi yoshlarni qo‘llab-quvvatlash va avtomobil sanoati uchun malakali kadrlar tayyorlashga qaratilgan tashabbuslarni izchil amalga oshirib kelmoqda.