UMPT Jahon iqtisodiyoti va diplomatiya universitetida o‘tkazilgan bo‘sh ish o‘rinlari yarmarkasida ishtirok etdi

28-noyabr kuni UMPT Jahon iqtisodiyoti va diplomatiya universitetida bo‘lib o‘tgan bo‘sh ish o‘rinlari yarmarkasida ishtirok etdi. Kompaniya vakillari talabalar bilan uchrashuvlar o‘tkazib, amaliyot va ishga joylashish imkoniyatlari haqida ma’lumot berishdi, shuningdek universitet bilan keyingi hamkorlik istiqbollarini muhokama qilishdi.

Muloqot davomida UMPT xodimlari talabalar bilan yaqindan tanishishdi va ularni qiziqtirgan savollarga javob berishdi. Ayniqsa, yosh mutaxassislar olgan bilimlarini amaliyotda qo‘llash va qimmatli kasbiy tajriba orttirish imkonini beruvchi stajirovka dasturlariga alohida e’tibor qaratildi.

Bunday tadbirlar UMPT va universitet o‘rtasidagi hamkorlikni mustahkamlashga, uzoq muddatli aloqalarni rivojlantirishga va malakali kadrlar tayyorlashga xizmat qiladi.