O‘tgan hafta UzAuto Motors Powertrain’da o‘rta bo‘g‘in rahbarlari uchun, korporativ «Mentoring» dasturining bo‘lajak mentorlarini tayyorlashga qaratilgan 4 kunlik intensiv kurs yakunlandi.

Ta’lim O‘zbekiston-Yaponiya markazi bilan hamkorlikda tashkil etildi va haqiqiy amaliy laboratoriyaga aylandi: ishtirokchilar samarali mentoring sessiyalarini o‘tkazish usullari, texnikalari va vositalarini o‘rgandilar, real keyslar asosida ko‘nikmalarini mustahkamladilar hamda bir-birlari bilan tajriba almashdilar.

Mentoring — bu shunchaki bilim berish emas, balki tinglash, yo‘naltirish va ilhomlantirish san’atidir.

Endi menejerlarimiz kelajakdagi menteelar uchun ishonchli tayanch bo‘lishga yordam beradigan barcha zarur vositalarga ega.

UMPT kompaniyani oldinga siljitayotgan insonlarga investitsiya qilishda davom etmoqda!