2026-yil 25-avgust kuni UzAuto Motors Powertrain kompaniyasida O‘zbekiston Respublikasining «O‘zbekiston Respublikasi Prezidenti Administratsiyasi to‘g‘risida»gi Konstitutsiyaviy qonunini o‘rganishga bag‘ishlangan o‘quv seminari bo‘lib o‘tdi.

Seminarda kompaniya direktorlari va bo‘lim boshliqlari ishtirok etdilar. Ta’lim kompaniyaning Bosh direktori Saidazim Gulyamov tomonidan bevosita olib borildi.

Seminar davomida ishtirokchilar O‘zbekiston Respublikasi Prezidenti Administratsiyasi faoliyatini tartibga soluvchi qonunning asosiy qoidalari, uning vakolatlari, vazifalari va davlat organlari bilan o‘zaro hamkorlik qilish tamoyillari bilan tanishdilar.

Seminar yakunlariga ko‘ra, barcha departament direktorlari va bo‘lim boshliqlariga o‘z xodimlarini qonunning asosiy qoidalari bilan tanishtirish hamda uning muhim qoidalarini xodimlarga yetkazishni ta’minlash topshirildi.