Business Awareness Month loyihasi doirasida “Biznesdagi ayollar” mavzusida seminar bo‘lib o‘tdi.

Bugungi kunda ayollar ishlab chiqarish va sifat nazoratidan tortib transport hamda yuqori texnologiyalar sohalarigacha bo‘lgan turli yo‘nalishlarda muvaffaqiyatli faoliyat yuritmoqda. Ularning professionalligi, yetakchilik qobiliyati va doimiy rivojlanishga intilishi kompaniyalar hamda jamiyat taraqqiyotiga munosib hissa qo‘shmoqda.

Tadbir mehmoni sifatida “Toshkent Metropoliteni” AJning ilk ayol mashinisti Berdiyorova Shaxnoza Sherboyevna ishtirok etdi. Shuningdek, zavodimiz vakili — Sifat nazorati departamentining katta nazorat ustasi Galiyeva Natalya Anatolyevna o‘zining kasbiy tajribasi bilan o‘rtoqlashdi.

Spikerlar ishtirokchilarga o‘zlarining mehnat faoliyati yo‘li, kasb tanlash jarayoni, duch kelgan qiyinchiliklarni yengib o‘tish tajribasi hamda qat’iyat, mas’uliyat va doimiy rivojlanish orqali erishilgan imkoniyatlar haqida so‘zlab berdilar.

Uchrashuv davomida ishtirokchilar muvaffaqiyatning haqiqiy hikoyalari bilan tanishdilar, zamonaviy ish muhitida ayollarning o‘rni, mavjud imkoniyatlar va istiqbollar yuzasidan fikr almashdilar hamda shaxsiy va kasbiy rivojlanish uchun yangi ilhom oldilar.

Zavodimiz xodimlari bilan samimiy muloqot qilgani, qimmatli tavsiyalari va motivatsion fikrlari bilan o‘rtoqlashgani uchun spikerlarimizga minnatdorlik bildiramiz.